Que é Culturgal?

Culturgal é a Feira do sector cultural que se celebra anualmente e que en 2022 chega a súa decimo quinta edición do 24 ao 27 de novembro no Pazo da Cultura de Pontevedra. A xornada do xoves 24 de novembro está dirixida exclusivamente a público profesional, asociacións, entidades e empresas.

Que vou a atopar?

Ademais de poder achegarte aos máis de 80 stands dedicados a libro, música, teatro, audiovisual, infantil, tecnoloxía e máis, Culturgal conta con programación durante os 3 días. Todo nun recinto feiral de 4.875 metros cadrados.

Quen organiza Culturgal?

A asociación Culturgal, na que están integradas as seguintes asociacións gremiais: Asociación Galega de Editores, Escena Galega, Asociación Galega de Produtoras Independentes (AGAPI), Asociación Galega de Empresas Musicais (AGEM) e EGANET (Asociación de Empresas Galegas Adicadas a Internet e as Novas Tecnoloxías.

Onde e cando se celebra? Que horarios ten?

Culturgal 2022 celébrase no Pazo da Cultura de Pontevedra (Rúa Alexandre Bóveda s/n) do 24 ao 27 de novembro. O xoves 24 está aberto só para público profesional. O recinto de Cultural é:

Pazo da Cultura de Pontevedra
RUA ALEXANDRE BÓVEDA, S/N
36005 Pontevedra
986 833 061
www.pazodacultura.org
Ver: http://culturgal.com/informacion-util/como-chegar-a-culturgal/

Horario para público xeral:

Venres 25 novembro de 11h a 21 h

Sábado 26 de novembro de 11h a 21h

Domingo 27 de novembro de 11h a 20h

Se utilizo transporte particular, a Feira dispón de prazas de aparcadoiro?

O Pazo da Cultura de Pontevedra conta cun amplo parking tanto na entrada principal como na parte superior de acceso ao Auditorio e cafetería do recinto, máis recomendable xa que a infraestrutura da Feira ocupa boa parte da explanada principal. Animamos, en todo caso e sempre que sexa posible, ao uso do transporte público nos desprazamentos á cidade durante Culturgal, sexa autobús ou tren.

É posible o acceso para persoas con mobilidade reducida?

O recinto da Feira está preparado para recibir a persoas con mobilidade reducida, incluídas aquelas que se moven en cadeira de rodas. O Pazo da Cultura conta con ascensor.

E visitar á Feira en lingua de signos?

Existe un servizo de visitas guiadas en lingua de signos para aquelas persoas que o demanden.
Visitas especiais concertadas para grupos, escolares, asociacións…

Existe algún correo electrónico da Feira para o público xeral?

Para calquera suxestión, consulta, queixa ou anotación que queiras facer, podes dirixirte ao correo electrónico info@culturgal.com. 

Hai descontos para visitas de grupo?

Se es unha escola, asociación ou entidade sen ánimo de lucro contacta con nós e consúltanos. No correo electrónico info@culturgal.com. 

Onde podo consultar o programa completo de actividades?

Na web www.cultur.gal desde aproximadamente unha semana antes da Feira, aínda que irá facéndose público gradualmente desde outubro na mesma canle e nas redes sociais. A web da Feira actualízase constantemente polo que constitúe o soporte máis fiable para coñecer a programación de actividades.  Síguenos en facebook, instagram e twittter

Hai caixeiro automático no recinto feiral? Pódense pagar as compras con tarxeta?

Non hai ningún caixeiro automático dentro do recinto nin nos arredores do mesmo. Boa parte dos expositores contan con terminais tpv facilitando o pago con tarxeta.

Se perdo algún obxecto, a onde podo dirixirme?

Se perdes algún obxecto diríxete ao mostrador de información na entrada da Feira. O mesmo, se o atopas.

Podo tirar fotos ou gravar dentro da Feira?

Por suposto, sempre que respectes os dereitos das persoas fotografadas ou gravadas e o material non teña uso comercial ilícito ou indebido.