Miudiño S.Coop.Galega
Miudiño S.Coop.Galega somos cooperativa de traballo asociado sen ánimo de lucro. Baseamos o noso traballo en 3 alicerces fundamentais, que son a natureza, infancia e divulgación do patrimonio cultural e natural galego. En base a estas premisas, ofertamos diversos servizos e produtos, como son espectáculos musicias, editorial, xoguetería e outros servizos educativos e lúdicos.
- Sector: Outros
- Web: https://miudinho.gal
A cita con culturgal 2023
Culturgal, un evento único que se celebra anualmente reunindo ao sector cultural e aos seus públicos en Pontevedra. Este ano a Feira das Culturas Galegas terá lugar do 1 ao 3 de decembro no Pazo da Cultura, onde os públicos poderán achegarse ás as novidades editoriais, o último en audiovisual, novas propostas das artes escénicas, espectáculos de música ao vivo, servizos profesionais e outras iniciativas híbridas e vinculadas ao mundo da arte. Unha oferta de programación contemporánea e representativa da acción cultural no país con avances, estreas e actualidade, asi como un amplo punto de información e compra da produción cultural do ano.
Culturgal quere favorecer tamén o seu carácter como escenario de encontros entre profesionais e sectores, e de espazo para o nacemento e consolidación de proxectos. A Feira das Culturas Galegas busca reforzar os vínculos coas diferentes asociacións gremiais e promover a comunicación entre todos aqueles axentes e sectores que participan da actividade cultural.