Elena Buch Fotografía
En Elena Buch Fotografía traballamos diferentes eidos dentro da fotografía: social, reportaxe, comercial... Nesta mostra traemos un exemplo da actividade que realizamos en fotografía química e traballo de laboratorio. A Cianotipia é unha técnica antiga precursora da Fotografía, caracterizada pola obtención de imaxes de grande nitidez, e unha característica cor azul. Por outra banda, tamén ofertamos obradoiros, pois a pedagoxía é un dos motores que nos move como ferramenta de cambio, aprendizaxe e diversión.
- Sector: Fotografía
A cita con culturgal 2023
Culturgal, un evento único que se celebra anualmente reunindo ao sector cultural e aos seus públicos en Pontevedra. Este ano a Feira das Culturas Galegas terá lugar do 1 ao 3 de decembro no Pazo da Cultura, onde os públicos poderán achegarse ás as novidades editoriais, o último en audiovisual, novas propostas das artes escénicas, espectáculos de música ao vivo, servizos profesionais e outras iniciativas híbridas e vinculadas ao mundo da arte. Unha oferta de programación contemporánea e representativa da acción cultural no país con avances, estreas e actualidade, asi como un amplo punto de información e compra da produción cultural do ano.
Culturgal quere favorecer tamén o seu carácter como escenario de encontros entre profesionais e sectores, e de espazo para o nacemento e consolidación de proxectos. A Feira das Culturas Galegas busca reforzar os vínculos coas diferentes asociacións gremiais e promover a comunicación entre todos aqueles axentes e sectores que participan da actividade cultural.