Deica Creacións
Deica Creacións é un proxecto inspirado na cultura galega. Nace fai 10 anos coa intención de crear, a través das ilustracións de Iria Ribadomar , nova iconografía arredor do País coa que vernos reflectidas. lustracións baseadas na música, nos oficios, na arquitectura, na natureza ou na nosa forma de ser... e convertidas en láminas, complementos de xoiería, bolsos ou camisolas, para levalas con nós ou vestir as nosas casas.
- Sector: Arte
- Web: https://www.deicacreacions.com/
A cita con culturgal 2023
Culturgal, un evento único que se celebra anualmente reunindo ao sector cultural e aos seus públicos en Pontevedra. Este ano a Feira das Culturas Galegas terá lugar do 1 ao 3 de decembro no Pazo da Cultura, onde os públicos poderán achegarse ás as novidades editoriais, o último en audiovisual, novas propostas das artes escénicas, espectáculos de música ao vivo, servizos profesionais e outras iniciativas híbridas e vinculadas ao mundo da arte. Unha oferta de programación contemporánea e representativa da acción cultural no país con avances, estreas e actualidade, asi como un amplo punto de información e compra da produción cultural do ano.
Culturgal quere favorecer tamén o seu carácter como escenario de encontros entre profesionais e sectores, e de espazo para o nacemento e consolidación de proxectos. A Feira das Culturas Galegas busca reforzar os vínculos coas diferentes asociacións gremiais e promover a comunicación entre todos aqueles axentes e sectores que participan da actividade cultural.