Concello de Catoira
O Concello de Catoira, con apenas 3.200 habitantes, é un localidade feraz en cultura e en creadoras/es. Ademais da importancia que tivo na historia de Galiza, pola súa estratéxica situación, e na que deixaron pegada as distintas culturas que se foron sucedendo (castrexa, fenicia, romana, visigoda, viquinga, entre outras), na Catoira da actualidade destaca o enorme talento de veciñas e veciños que, desde diferentes disciplinas, crean cultura e arte que, nalgúns casos, transcende as nosas fronteiras.
- Sector: Outros
- Web: https://catoira.gal/
A cita con culturgal 2023
Culturgal, un evento único que se celebra anualmente reunindo ao sector cultural e aos seus públicos en Pontevedra. Este ano a Feira das Culturas Galegas terá lugar do 1 ao 3 de decembro no Pazo da Cultura, onde os públicos poderán achegarse ás as novidades editoriais, o último en audiovisual, novas propostas das artes escénicas, espectáculos de música ao vivo, servizos profesionais e outras iniciativas híbridas e vinculadas ao mundo da arte. Unha oferta de programación contemporánea e representativa da acción cultural no país con avances, estreas e actualidade, asi como un amplo punto de información e compra da produción cultural do ano.
Culturgal quere favorecer tamén o seu carácter como escenario de encontros entre profesionais e sectores, e de espazo para o nacemento e consolidación de proxectos. A Feira das Culturas Galegas busca reforzar os vínculos coas diferentes asociacións gremiais e promover a comunicación entre todos aqueles axentes e sectores que participan da actividade cultural.